اكتب شيء تفتقده في حياتك؟؟

[عاشقة نزار قبانى]

اقتباس: المشاركة الأصلية كتبت بواسطة اسكندراني    .... ايتها العاشقة.... بالتأكيد ان الابداع مش جديد عليكى...... وبما انى انا قديم في المنتدى "بأسم حودة عفيفي الكبير" اقدر اقول انك بجد مبدعة بالنسبة للأفتقاد فأنا مفتقد حاجات كتير بس اهمها انى مفتقد قيمة نفسي..... بجد انا مش عارف انا عايز من الدنيا .... حاسس انى ممكن اعمل حاجات كتير وحاسس ان قدراتى عالية بس مش عارف انا قيمتى في المجتمع ايه؟؟؟؟ بيتهألى لو عرف انا ليا قيمة قد أيه في الدنيا؟؟؟ واقدر اتفاعل قد ايه مع المجتمع ؟؟؟؟ اكيد حالى حيكون احسن كتير بجد انا فضفضت معاكم علشان كده انا بشكرك عاشقة على منحى الفرصة دى للجميع احترامى وفائق تقديري

بجد ميرسى يا اسكندرانى اولا على مرورك الغالى بجد على قلبى
واللى نورنى كتييييير فعلا
وتانى حاجه على كلامك الجميل
ميرسى يا جميل ليك
لو فعلا مبدعه فيبقى الابداع ده حاجه اتعلمتها منكم
بوجودى بينكم..

بالسنبة لردك المميز ففعلا المجتمع مش مدينا الرصة اننا نعرف قيمة نفسنا ايه
كمان مش مدينا الفرصة عشان نطلع مواهبنا او قدراتنا
بندخل ثانوى عام سواء علمى او ادبى بندرس مواد بغض النظر عن الحشو طبعا:8:
بندرس مواد مش لينا زى الرياضة فى ادبى وعلم النفس او الفلسفة علمى
التنسيق بعديها هو اللى بيختارلنا كليه يمكن مش هنقدر ننمى فيها قدراتنا
عموما ربنا ان شاء الله يحسن الاحوال

وميرسى ليك انك ادتنى الفرصة بوجودك معايا
فى صفحتى المتواضعة
دمت بكل الخير
ودمت كما انت دوما راقى
عاشقة...

[ayman_vorever]

اما انا فمفتقد اللحمة بكل اشكالها وانواعها بجانب جميع انواع الفاكهة وربنا يخلى التنمية

[chamkhi]

boucheraa al fatate li bkha ha 9albi

[RaNdH BoOsHiE]

اولا شكرا ياعاشقه نزار قباني على السؤال الجميل ده

انا ياستي مفتقده شئ من الحريه بس مش معنى كده اني مقيده قوي بس كان نفسي يبقى عندي حريه اكتر من كده

والحمدلله على باقي النعم

[dodymagic]

انا عن نفسى مفتقدة نفسى حاسة انى ماليش لازمة او بدور على حاجة فيا ضاعت ونفسى الاقاها علشان احس بوجودى

مفتقدة الاحساس بالآمان وبالثقة بالناس

شكرا ليكى جدا على الموضوع الجميل بجد بحييكى علية

[Dr Fulla]

[تسلمى عاشقه على الموضوع الرائع ......بصراحه الموضوع شدنى اوى ....انا الحمد لله مفيش حاجه نقصانى وربنا يديمها علينا يارب كلنا بس ممكن تكون الحاجه اللى مفتقداها هيا انى اتكلم مع امى اللى معايا فى بيت واحد مش مسافره علشان اكل العيش ولا حاجه...... المشكله ان مفيش اى كلام بينى وبين ماما وكمان انا تقريبا فى فتره الدراسه مش بشوفها كتير لان تقريبا ببقى فى الكليه من الصبح ومش برجع الا بالليل وممكن اللى يكون مصبرنى ان ليا اتنين اصدقاء بنحكى لبعض كل حاجه لانهم برضه زيى ....هو بصراحه مش عارفه العيب منى ولا ايه؟؟
لانى انا بطبيعتى هاديه جدا ومش بتكلم كتير بس ....شكرا مره تانيه على موضوعك واسفه على الاطاله