تعبير صادق

[قلب مكسور]

بنت من بنات مصر تصف اشتياقها لمصر


مصر حبيبتي


هيا حياتي وعمري والله وحشتني
مفيش فيها حاجة إلا وجذبتني
وأنا حبتها وعشقتها زي ما هيا حبتني
علطول بحس إنها إنسانة بتقعد معايا تكرمني وتحترمني
مصر ديه بجد حاجة صعب أوي أوصفها
أنا وعدتها وعود كتيرة وإن شاء الله عمري ما هاخلفها
ياما كتبت فيها خواطر وياما قلتلها
لإنها حاجة خاصة أوي وفيه صلة عظيمة بيني وبينها
بحبها بحبها والله يا ناس بحبها
بعشقها وبحب أوي حضنها
ياريتكم تعرفوا أنا قد إيه بعزها
ونفسي أقابلها تاني ولو لمرة عشان أقوللها
في يوم وأنا قاعدة في شقتي
جالي خبر وحش زعلني
قالوا لي هانسافر لبلد تانية غيرها
مقدرتش أقول لا لإن ديه كانت تجربة ولازم أخوضها
كنت حزينة أوي لإني بقالي فترة طويلة أوي مش بشوفها
وحشني علمها بألوانها بحواريها بشوارعها
وحشتني المنصورة وطنطا وإسكندرية عروستها
نفسي أرجع بقى ليها... وأحضنها
نفسي أكون لمصر كل حاجة قدامها
نفسي ترضى أكون بنت من بناتها
أو حتى معجبة من المعجبين بتوعها
وحشني أهل أم الدنيا و حبايبها
وحشتني سماها وأرضها ونيلها
يا مصر أنت غالية أوي عليا
متعرفيش أنا أول ما سبتك أنا إيه اللي حصل فيا
وياريتك تعرفي إيه اللي بيا
نفسي أرجعلك أرجوك تعالي خديني
خديني وامسكيني وضميني
وفي صدرك الهادي يا مصري ريحيني
وماتقطعيش بيا وعلطول طمنيني
قوليلي أنا جمبك معاكي متخافيش
قوليلي هافضل فاكراكي متقلقيش
يا مصر يا حبيبتي ماتسيبينيش
أنا بحبك وهافضل أحبك للأبد
آنت السعادة والجمال والسند
بحبك يا مصر
ومن حبي هابنيلك قصر
فتقبلي حبي

مصرية أنا


نفسي أرجعلك بقى وحشتنيني يا مصر بجد وحشتيني