 |  |  |  |
| التسجيل | التعليمـــات | قائمة الأعضاء | التقويم | البحث | مشاركات اليوم | اجعل كافة الأقسام مقروءة |
 |
 |
|
| |||||||
 |
| | LinkBack | أدوات الموضوع | إبحث في الموضوع | انواع عرض الموضوع |
10-22-2008, 12:27 PM
| #1 (permalink) | |||||||||||||||||
|  حوار ساخر مع رجل امستحيل هذا الحوار موجود في منتديات كثيرة لكني رايت ان اريكم اياه مع بعض التعديلات فاقراوه معي: المكان : أحد ابقاع النائية في العالم.. الموقف : سبعة جيوش من دول مختلفة تطارد أدهم صبري.. النيران و القذائف تحيطه من كل جانب , و القناصة و المدرعات و الطائرات تطارده و مهمتهم الوحيدة هي القضاء عليه لأنه عامل لهم وجع دماغ زيادة عن اللزوم !! أدهم صبري يحتمي بجدار شبه متهدم و يعيد حشو ( الآر بي جي ) الخاص به .. في هذه اللحظه جاءت فرصتي لإجراء حوار انفرادي معه... - بنرحب بيك في ( منتدى شاتك) يا أستاذ أدهم .. - أهلا بيك ! - قصصك في معرض الكتاب بتحقق مبيعات هايله بين الشباب.. تفتكر ليه ؟ - يمكن عشان بيحبوا يعيشوا العالم ده .. لكن أنا نفسي مش عارف ليه بصراحة ! - لما بتروح معرض الكتاب بتشتري ايه ؟ - اي حاجه غير القصص بتاعتي ! - شكلك كده مصري صميم و بتكلمني دلوقتي بالعامية.. أمال ليه بتتكلم باللغة العربية الفصحي في قصصك ؟ - أنا باتكلم بالعامية طبعا لكن باتكلم بالفصحى .. شغل قصص بقى .. مانت فاهم ! - ما هي هواياتك ؟ - إني اطارد عملاء الموساد و أبوظ عملياتهم... و اعكنن على أجهزة المخابرات المعادية.. و المهم طبعا إني أبسط القراء..عن إذنك ! و انحنى ليتفادى طلقة مدفع و انهال بوابل من الرصاص لينسف دبابة و يعود لحشو الكلاشينكوف الخاص به.. - ماذا تفعل في وقت فراغك؟ - ماظنش إن كان عندي وقت فراغ أساسا.. إنت مش شايف ؟؟ - ماهي أكلتك المفضلة ؟ -.. بموت في الفول و الطعمية ! -طيب..من هو مطربك المفضل ؟ - عاجباني جدا أغنية ( ماتفولش إيه و ازاي و ليه؟) بتاعة فيلم مافيا, إللي غناها مدحت صالح .. لأنها بنتطبق على كل حاجه بتحصل عندنا.. مش هاتفهم حاجة ! - يقال انك ماتجوزتش لحد دلوقتي عشان لسه بتجهز نفسك زي الشباب المصري .. ماذا تقول ؟ - لأ الموضوع مش كده خالص.. كل الموضوع إني لسه باسد الخروم بتاعة الرصاص إللي في جسمي !! - بيجيلك ايميلات من المعجبات ؟ و بترد عليها ازاي ؟ - عندي ايميل فعلا.. و بيجيلي ايميلات كتير من المعجبات ..لكن باحاول أفوقهم و اقول لهم إني مش شخصية حقيقية و إني شخصية روائية و أقنعهم نهم صعب يلاقوا حد بالشكل ده..كانت (مني) أشطر ! - لما تعمل فرحك على ( منى ) هاتعزم مين ؟ - هاعزم قدري خبير التزييف صاحبي.. لكن المهم أعزم سونيا جراهام- إللي بتحبني- عشان أغيظها ! - بتروح فين في الاجازة ؟ - أنهي أجازة ؟!! - من الملاحظ إن إنت دايما لابس بدلة زرقاء مع كرافته حمراء.. ليه ؟ و مافكرتش تلبس كاجوال ؟ - بالبس كاجوال طبعا.. لكن الرسام مش بيرسمني بيها ! - بتخرج فين مع شلتك ؟؟ - ماليش شلة.. هم منى و قدري ماليش صحاب غيرهم .. باروح معاهم مغامرة مثلا.. نطارد حد.. نهرب من مطاردة حد.. هي دي التسلية بتاعتنا ! - ايه نوع الموبايل بتاعك ؟ - مش باستخدم موبايل لكن باستخدم أجهزة أكثر تطورا.. لو استخدمت موبايل مش هاعرف أشتغل من كتر ( الميسد كولز ) اللي هاتجيلي.. تخيل كده واحد الموساد تديله (ميسد كول) ؟ ماينفعش طبعا ! - إيه علاقتك بمؤلفك د. نبيل فاروق ؟ - أعرفه من بعيد , لكن باقرا إسمه على القصص بتاعتي.. بيحصل بيننا مشاكل كتير طبعا لأنه كل شوية يموّتني و يدوخني .. ممرمطني معاه و الله الراجل ده ! -جبت كام في الثانوية العامة ؟ - بيني و بينك ماجبتش مجموع طب و لا هندسة بصراحة.. ! - فيه واد صاحبي مضايقني عايزك تروقهولي (عارف نفسك ولا لا ).. ايه نظامك في العملية دي ؟ -لا روح لسونيا هي بتاعة الكلام ده .. أنا راجل محترم ماليش في الحاجات دي ! - بتقرا مواضيعى في منتدى دار ليلي ؟؟ - طبعا باقراها .. أمال باعمل إيه بين كل مغامرة و التانية ؟!! - نصيحتك إيه للشباب اللي عايز يبقى ضابط مخابرات جامد زيك ؟ - أكتر حاجه بتضحكني لما بيجيلي شاب صغير يقوللي : عايز أكون ضابط مخابرات ! دي عملية صعبه جد أهم حاجه انك تركز وتكون مشغل الجمجمة ! - تعرف رأفت الهجان و جمعة الشوان والعالم دي ( كزملاء مهنة ) و يا تري بتقعدوا عالقهوة مع بعض و كده ؟ - دول مش زملاء مهنة دول تلاميذ مهنة.. لأنهم عملاء بس مش ضباط مخابرات محترفين.. عملوا خدمات جليلة للوطن طبعا لكن مش زملاء مهنة..مش ضباط مخابرات ! - هل هاتستمر و لا لأ ؟ - فيه عقبات بتواجهني حاليا لكن مش عارف هاستمر و لا لأ.. أنا ناوي لكن مش عارف الحياة ناوية و لا لأ ! - هل لديك أقوال أخرى ؟ - أقر بكل ما جاء في هذا التحقيق ! - شكرا يا أستاذ أدهم.. ابتسم ابتسامة واثقة و أجاب : - العفو.. و استدار على عقبيه في مرونة فائقة ليلكم أحد المقاتلين في وجهه.. و اعتدل ليواجه الجيوش وحده في بسالة , لأنه الرجل.. رجل المستحيل !! كان معكم من قلب الاحداث مراسل شاتك (astr) | |||||||||||||||||
 |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| انواع عرض الموضوع | |
|
|
 الإعلانات النصية | |||
العرض العادي
